Breaking News
Home / اہم خبریں / مغربی ہوائوں کا سلسلہ پاکستان میں کب داخل ہو گا؟کب اور کہاں بارشیں ہوں گی؟ محکمہ موسمیات نے پیشنگوئی کر دی

مغربی ہوائوں کا سلسلہ پاکستان میں کب داخل ہو گا؟کب اور کہاں بارشیں ہوں گی؟ محکمہ موسمیات نے پیشنگوئی کر دی

مغربی ہوائوں کا سلسلہ پاکستان میں کب داخل ہو گا؟کب اور کہاں بارشیں ہوں گی؟محکمہ موسمیات نے پیشنگوئی کر دی۔۔اسلام آباد(نیوز ڈیسک)محکمہ موسمیات کے مطابق جمعه کے روز ملک کے بیشتر علاقوں میں موسم خشک رہے گا۔ جبکہ بالائی پہاڑی علاقوں میں موسم سرد رہے گا۔ گذشتہ 24

موسم ملک کے بیشتر علاقوں میں موسم خشک جبکہ بالائی علاقوں میں سرد رہا.آج ریکارڈ کیے گئے کم سے کم درجہ حرارت: لہہ منفی07،استور،گوپسں منفی02اورکالام میں منفی 01ڈگری سینٹی گریڈریکارڈ کیا گیا۔جبکہ 7 سے 15 مارچ کے دوران مغربی ہواؤں کے دو سلسلے ملک میں متوقع ہیں-پہلا سلسلہ 7 سے 9 مارچ کے دوران شمالی خیبرپختونخوا کشمیر گلگت بلتستان اور شمال مشرقی پنجاب میں اثر انداز ہوسکتا ہے- جبکہ دوسرا سلسلہ 11 سے 14 مارچ کے دوران خیبرپختونخوا کشمیر گلگت بلتستان بالائی پنجاب اور شمال مغربی بلوچستان پر اثر انداز ہوسکتا ہے۔ مارچ کے مہینے میں کہاں اور کتنی بارشیں متوقع ہیں؟ رواں ماہ دوطوفان بھی متاثر کریں گے، ماہانہ پیشنگوئی کر دی گئی موسم کی بڑی ویب سائٹ ویدر بسٹرز پاکستان کے مطابق مارچ 2021 کی ملک بھر کی ماہانہ پیشگوئی: معمول سے کم بارش اور برفباری، معمول سے زیادہ درجہ حرارت متوقع۔ گرد کے طوفان اور گرج چمک کیساتھ ژالہ باری کا امکان۔اس ماہ مغربی ہواؤں کے 4 سے 6 سلسلے متاثّر کر سکتے ہیں۔ابرالودگی پاکستان بھر میں اس ماہ معمول سے کم رہیگی۔ ہواؤں کی رفتار معمول کے مطابق یا معمول سے تھوڑا زیادہ رہنے کا امکان ہے۔بارشیں اور برفباری مجموی طور پر ملک بھر میں معمول سے کم رہنے کی توقع ہے۔ ملک میں کہیں بھی معمول سے زیادہ بارش یا برفباری کا امکان نہیں۔بارش کے اوقات:مارچ کے پہلے ہفتے میں موسم زیادہ تر خشک رہیگا۔مہینے کے وسط میں پاکستان کے شمالی اور مغربی حصّوں میں اچھی بارش ہو سکتی ہے۔مارچ کا تیسرا ہفتہ ملک کے زیادہ تر جنوبی علاقوں میں خشک گزرتا نظر آ رہا ہے۔ بارش اور برفباری شمال کے بلند مقامات تک محدود رہنے کی توقع ہے۔تیسرے ہفتے کے آخر میں ملک کے شمالی اور مغربی حصّوں میں مزید اچھی بارشیں ہو سکتی ہیں۔گلگت بلتستان، خیبر پختونخواہ، کشمیر اور بلوچستان میں برفباری معمول سے کم متوقع ہے۔ چنانچہ بلند مقامات پر درجہ حرارت معمول کے مطابق یا معمول سے 2 ڈگری سینٹی گریڈ زیادہ رہنے کا امکان ہے۔پنجاب، اسلام آباد، سندھ اور خیبر پختونخواہ کے میدانی علاقوں میں اوسطاً درجہ حرارت معمول سے 2 سے 4 ڈگری سینٹی گریڈ زیادہ متوقع ہیں۔سابقہ فاٹا، مغربی خیبر پختونخواہ اور بلوچستان کے شمالی اور مغربی حصّوں میں کا

درجہ حرارت معمول سے 2 سے 5 ڈگری سینٹی گریڈ زیادہ متوقع ہیں۔ تاہم بلوچستان کے جنوب مغربی اور انتہائی مغربی علاقوں میں درجہ حرارت معمول کے مطابق یا معمول سے 2 ڈگری سینٹی گریڈ زیادہ رہنے کا امکان ہے۔گلگت بلتستان، خیبر پختونخواہ اور کشمیر کے بلند مقامات پر درجہ حرارت معمول کے مطابق یا معمول سے 2 ڈگری سینٹی گریڈ زیادہ رہنے کا امکان ہے۔ہمارے تجزیے کے مطابق موسمی سرگرمی رونما ہونے کی صورت میں گرج چمک کے طوفان، ژالہ باری، آسمانی بجلی گرنے اور 80 کلومیٹر فی گھنٹہ سے زائد رفتار کی آندھیوں کا خطرہ ہو سکتا ہے۔ باالخصوص ملک کے مغربی علاقوں میں آسمانی بجلی گرنے اور شدید ژالہ باری کا اندیشہ ہو سکتا ہے۔ مارچ کے پہلے ہفتے میں موسم نسبتاً گرم رہنے کے باعث شمالی خیبر پختونخواہ، شمالی پنجاب اور جنوبی آزاد کشمیر کے میدانی علاقوں میں کم از کم 2 گرد کے طوفان متاثّر کر سکتے ہیں۔اسلام آباد اور راولپنڈی میں پولن کی مقدار: اس وقت ہوا میں پولن کی مقدار بہت زیادہ ہے اور رواں ہفتے کے اختتام تک انتہائی زیادہ ہو سکتی ہے۔ 10 سے 20 مارچ کے درمیان پولن کی مقدار اپنے عروج پر ہوگی، جس میں مارچ کے تیسرے ہفتے سے کمی کا امکان ہے۔ ہوا کر معیار کی پیشگوئی: اچھی ہوائیں چلنے کے باعث ہوا کے معیار میں نمایاں بہتری کی توقع ہے۔ دیہی پنجاب اور خطّہٰ پوٹھوہار بشمول جڑواں شہروں میں اوسطاً ہوا کا معیار 80 سے 100 کے درمیان رہنے کا امکان ہے۔ فیصل آباد اور گوجرانوالہ میں 100 سے 120 جبکہ لاہور میں 120 سے 150 کے درمیان رہنے کی توقع ہے۔

Share

About admin

Check Also

نوٹیفکیشن واپسی۔۔۔تیل کی قیمتوں میں اضافہ واپس لے لیاگیا،عوام کیلئے بہت بڑی خوشخبری

نوٹیفکیشن واپسی۔۔۔تیل کی قیمتوں میں اضافہ واپس لے لیاگیا،عوام کیلئے بہت بڑی خوشخبری عوامی دباؤ …

Leave a Reply

Your email address will not be published. Required fields are marked *

Powered by themekiller.com